Teikning listamanns af tifstjörnunni PSR J0348+0432 og fylgistjörnunni, hvíta dvergnum

Þetta myndskeið er sýn listmanns á sérkennilegt tvístirni sem samanstendur af lítilli en mjög þungri nifteindastjörnu sem snýst 25 sinnum á sekúndu um sjálfa sig og hvítri dvergstjörnu sem hringsólar um hana á tveimur og hálfri klukkustund. Nifteindastjarnan er tifstjarna sem nefnist PSR J0348+0432 og gefur frá sér útvarpsbylgjur sem hægt er að nema með útvarpssjónaukum á Jörðinni. Þótt þetta óvenjulega par sé mjög áhugavert út af fyrir sig, er það líka einstök tilraunastofa til að rannsaka takmarkanir á kenningum eðlisfræðinnar.

Kerfið gefur frá sér þyngdargeislun, gárur í tímarúminu. Þótt stjörnufræðingar geti ekkimælt þessar bylgjur beint frá Jörðinni, er hægt að nema þær óbeint með því að mæla breytingarnar sem verða á braut kerfisins um þegar það tapar orku.

Tifstjarnan er svo lítil að stærðarhlutföll fyrirbæranna tveggja eru ekki rétt á myndinni. Tímakvarðinn er heldur ekki raunsær.