Hugarró í Paranal

Hér sést La Residencia, hótelið sem stjörnufræðingar og aðrir starfsmenn dvelja á í Paranal stjörnustöð ESO í Chile.

Myndin var tekin frá suðurhorni byggingarinnar og horft er í norður í átt að Very Large Telescope (VLT) sem stendur á tindi Cerro Paranal í 2635 metra hæð yfir sjávarmáli. VLT er flaggskip evrópskra stjarnvísinda og öflugast stjörnustöð heims fyrir sýnilegt ljós.

Gluggar 108 herbergja í La Residencia snúa í vestur (vinstri á myndinni) í átt að Kyrrahafinu. Þýsku arkitektarnir Auer+Weber+Assoziierte hönnuðu bygginguna og hafa hlotið verðlaun fyrir en hún kom við sögu í James Bond kvikmyndinni Quantum of Solace. Hótelið var að hluta til byggt neðanjarðar en þannig mátti nýta náttúrunni og gera byggingunni kleift að falla inn í eyðimörkina. Það kemur því eflaust ekki mörgum á óvart að La Residencia var valið sem bækistöð Bondskálka.