Upprisa hvíts dvergs

Bjarta stjarnan á miðri myndinni er ekki megin viðfangsefni þessarar myndar. Neðst, fyrir miðju, er fremur daufur rauður blettur sem er í raun sjaldgæft og merkilegt fyrirbæri.

Japanski stjörnufræðingurinn Yukio Sakurai fann þokuna árið 1996 og reyndist hún mun áhugaverðari en sprengistjörnuleifin sem hann taldi hana í fyrstu.

Fyrirbærið er í raun lítill hvítur dvergur að ganga í gegnum helíumblossa — einn af aðeins örfáum dæmum um slíkan atburð sem stjörnufræðingar hafa séð.

Venjulega er hvíta dvergsskeiðið hið síðasta í ævi lítillar stjörnu. Í sumum tilvikum getur stjarnan hins vegar blossað upp í helíumblossa, þanist út og varpað miklu magni gass og ryks frá sér í leiðinni, áður en hún verður aftur að hvítum dverg.

Þetta eru tilþrifamiklir en skammvinnir atburðir og fyrirbæri Sakurais hefur veitt stjörnufræðingum sjaldgæft tækifæri til að rannsaka atburðinn í rauntíma. Hvíti dvergurinn gefur frá sér nægilega mikið af útfjólubláu ljósi til að lýsa upp gasið sem hann hefur varpað frá sér, sem sést er einmitt rauði hringurinn á myndinni.

Myndin var tekin með FORS mælitækinu á Very Large Telescope ESO.