ALMA fylgist með fæðingu risastjörnu

Mælingar Atacama Large Millimeter/submillimeter Array á dökka skýinu SDC 335.579-0.292 hafa veitt stjörnufræðingum bestu myndir sem náðst hafa hingað til af risastjörnu verða til í dökku rykskýi. Móðurkviður stjörnunnar er meira en 500 sinnum massameiri en sólin — sá stærsti sem fundist hefur í Vetrarbrautinni — og er enn að vaxa. Glorsoltin fósturstjarnan í skýinu hámar í sig efni sem þýtur til hennar. Búist er við að skýið muni geta af sér mjög skæra stjörnu sem verður allt að 100 sinnum massameiri en sólin.

Myndin er sett saman úr gögnum ALMA og Spitzer geimsjónauka NASA.