Samanburður á mynd VISTA af NGC 6357 og ljósmynd í sýnilegu ljósi

Á þessari mynd eru bornar saman myndir í sýnilegu og innrauðu ljósi af Humarþokunni (NGC 6357). Myndin í sýnilegu ljósi (hægri) var tekin með Very Large Telescope í Paranal stjörnustöð ESO í Chile (eso1226). Nýja innrauða ljósmyndin (vinstri) var tekin með VISTA sjónaukanum sem er á sama stað. Í innrauðu ljósi verður rykið sem hylur margar stjörnurnar næstum gegnsætt og leiðir í ljós aragrúa nýrra stjarna sem ella sæjust ekki.