Vetrarbrautir á táningsaldri í hinum fjarlæga alheimi (ómerkt)

Þessi djúpmynd er af örsmáu svæði á himninum í stjörnumerkinu Hvalnum. Hún sýnir nokkrar misfjarlægar vetrarbrautir. Hluti þeirra sjást eins og þær litu út þremur til fimm milljörðum ára eftir Miklahvell en þær voru notaðar í nýrri rannsókn, sem gerð var með VLT sjónauka ESO og SINFONI mælitækinu, á matarvenjum ungra vetrarbrauta þegar þær voru að vaxa.