ann14080-is — Tilkynning

Vefur ESO endurhannaður

21. október 2014

Eftir nokkurra vikna vinnu hefur ný hönnun á vefsíðu ESO litið dagsins ljós. Helsta markmið breytinganna var að gera viðmót síðunnar notendavænni og snjallari. Nýja hönnunin aðlagar sig þar af leiðandi sjálfkrafa að skjáupplausninni sem notandinn hefur en þessi tækni er algeng í dag þar sem margir nota snjallsíma og spjaldtölvur til að vafra um á netinu.

Markmið var að hanna þægilegri vefsíðu með betra og fallegra útliti. Það gerir okkur hjá ESO kleift að birta upplýsingar um stjörnustöðvarnar og niðurstöður frá þeim eins vel og kostur er.

Með nýju hönnuninni verður vefur ESO ekki eins stofnanalegur í útliti, heldur í stíl við veflæg eða rafræn tímarit. Á þetta sérstaklega við um endurhönnunina á vefsíðunum sem geyma fréttatilkynningar og tilkynningar. Þannig verður auðveldara að leggja áherslu á þær ótal mörgu uppgötvanir og þær glæsilegu ljósmyndir sem koma nánast daglega frá ESO.

Nýja viðmótið er snertivænt, bæði hvað útlit og gagnvirkni varðar, en inniheldur samt sama efnið og gamli vefurinn. Við vonum að nýja hönnunin geri vefinn meira aðlaðandi fyrir nýja notendur og rugli að sama skapi ekki eldri notendur sem hafa e.t.v. vanist gamla vefnum. Nokkrar litlar breytingar hafa verið gerðar, til dæmis er valmyndin „Vísindi með sjónaukum ESO“ nú undir „Uppgötvanir“ og „Vinna hjá ESO“ breytist í „Störf“.

Ein helsta breytingin, sem jafnframt er stórt skref fram á við fyrir notendur sem hafa lesið vefinn á öðru tungumáli en ensku, er að mínísíðurnar hverfa. Á nýja vefnum getur þú einfaldlega valið tungumál úr aðalvalmyndinni og er sú stilling síðan geymd í köku. Ef notendur smella á síðu sem ekki er til á þeirra eigin tungumáli, verður þeim sjálfkrafa beint á upprunalegu síðuna á ensku og um leið upplýstir um að síðan sé ekki til á þeirra eigin tungumáli. Áður höfðu gestir sem ekki notuðu ensku ekki aðgang að ensku síðunni með þessum hætti.

Að breyta tungumálastuðningnum var helsta markmið okkar og við erum ánægð að geta stutt þau 19 tungumál sem í boði eru með eðlilegri hætti.

Tenglar

Tengiliðir

Lars Lindberg Christensen
Head of ESO ePOD
Garching bei München, Germany
Tel: +49 89 3200 6761
Cell: +49 173 3872 621
Email: lars@eso.org

Um tilkynninguna

Auðkenni:ann14080

Myndir

Screenshot of the new homepage
Screenshot of the new homepage
texti aðeins á ensku