Gluggi að alheiminum

Artist impression of the E-ELTHjá ESO hefur orðið til mikil sérþekking í skipulagningu, smíði og rekstri stórra stjörnusjónauka á afskekktum stöðum. Með Very Large Telescope ESO, öflugasta stjörnusjónauka heims, hafa margar uppgötvanir verið gerðar.

Þessi sérþekking er ESO mikilvæg í þróun risasjónaukans E-ELT fyrir evrópska stjörnufræðinga. Grunnhönnunin lá fyrir í árslok 2006. Verið er að leggja lokahönd á hönnun sjónaukans en hún ein og sér kostar 57 milljónir evra. Markmið ESO er að sjónaukinn verði starfhæfur snemma á næsta áratug. Þessu til viðbótar hafa yfir 30 evrópskar vísindastofnanir og hátæknifyrirtæki kannað tæknilega þætti risasjónauka samkvæmt 6. rammaáætlun um hönnun E-ELT sem er að hluta fjármögnuð af framkvæmdarstjórn Evrópusambandsins. E-ELT er vísindaverkefni sem byggir á hátækni og felur í sér nýsköpun. Verkefnið býður upp á samstarf við hátæknifyrirtæki og þróun tækninýjunga sem mun nýtast í evrópskum iðnaði.

E-ELT nýtur víðtæks stuðnings evrópskra vísindamanna. Hann er eini sjónaukinn sem ætlaður er til rannsókna á sýnilegu ljósi í vegvísi European Strategy Forum on Research Infrastructure. Hann er auk þess mjög áberandi í evrópska stjörnufræðivegvísinum ASTRONET.

Forysta Evrópu í þessu stóra verkefni mun án efa auka hróður evrópskra vísinda og evrópsks iðnaðar.

Til baka            Næsta