Grunnbúðir Paranal úr lofti

Frá þessu sjónarhorni er horft yfir Very Large Telescope ESO á Cerro Paranal í Atacamaeyðimörkinni í Chile og grunnbúðir stjörnustöðvarinnar fyrir neðan. Nálægt miðju sést Paranal Residencia, griðarstaður þeirra sem starfa á fjallinu, með hvítu hvolfi á þaki sínu. Vinstra megin við Residencia, hinumegin vegarins, er íþróttahús staðarins en vinstra megin við það er viðhaldsbyggingin (Mirror Maintenance Building, MMB) þar sem risaspeglar VLT eru annað slagið hreinsaðir og endurhúðaðir. Á bak við þá byggingu er aflstöð stjörnustöðvarinnar og enn lengra til vinstri er tækjabyggingin. „Stjörnuslóðin“ vindur sig upp fjallshlíðina í forgrunni en það er gönguslóði frá Residencia upp á fjallstindinn.

Sólin settist um það bil kortéri áður en þessi mynd var tekin og baðaði grunnbúðirnar fallegu appelsínugulu ljósi. Í rökkrinu sjást fínir drættir landslagsins þar sem skuggarnir gefa hæðunum meiri dýpt. Slíkt sést aðeins á Paranal á „gullklukkutímanum“ fyrir sólarupprás eða eftir sólsetur, því sólskinið á daginn gefur ekki góð birtuskil.

Gerhard Hüdepohl, ljósmyndari ESO, tók þessa víðmynd.

Tenglar

Mynd/Myndskeið:

G.Hüdepohl (atacamaphoto.com)/ESO

Um myndina

Auðkenni:potw1230a
Tungumál:is
Tegund:Ljósmynd
Útgáfudagur:Júl 23, 2012, 10:00 CEST
Stærð:8496 x 2790 px

Um fyrirbærið

Nafn:Cerro Paranal, Panorama, Paranal, Paranal Residencia
Tegund:• Unspecified : Technology : Observatory : Facility
• X - Paranal

Myndasnið

JPEG grande
7,0 MB

Þysjanleg


Bakgrunnsmynd

1024x768
316,8 KB
1280x1024
511,9 KB
1600x1200
734,7 KB
1920x1200
881,1 KB
2048x1536
1,1 MB

 

Sjá einnig