Veldu þitt tungumál:

Sykursameindir í gasi umhverfis unga stjörnu á borð við sólina (þysjað)

Hópur stjörnufræðinga hefur fundið glýkólaldehýð — einfalt form af sykri — í gasþoku í kringum ungt tvístirni sem er álíka massamikið og sólin og kallast IRAS 16293-2422. Þetta er í fyrsta sinn sem sykur finnst í geimnum umhverfis slíka stjörnu. Uppgötvunin sýnir að byggingareiningar lífs eru á réttum stað á réttum tíma til þess að reikistjörnur, sem eru að myndast í kringum stjörnuna, geti innihaldið þær. Stjörnufræðingarnir fundu sameindirnar með Atacama Large Millimeter/submillimeter Array (ALMA).

Myndskeiðið hefst á víðmynd, sem tekin var í sýnilegu ljósi, af glæsilegu svæði skammt frá miðju vetrarbrautarinnar. Þysjað er inn að stjörnumyndunarsvæðinu Ró Ophiuchi séðu í innrauðu ljósi og sjónum beint að IRAS 16293-2422. Að lokum sjáum við teikningu listamanns af glýkólaldehýðssameindum og sameindabyggingu þess (C₂H₄O₂).

Mynd/Myndskeið: