Bookmark and Share

Publikime për shtyp

Regjistrohuni për lajmet e fundit nga ESO
eso1326sq — Publikim shkencor

Zbulohet një lloj i ri yjesh variabël — Zbulohet një tip komplet i ri yjesh duke vëzhguar variacionet në ndriçim të rendit të minutit

12 Qershor 2013: Duke përdorur teleskopin Zviceran Euler 1.2 metra në Observatorin e ESO-s në Kili, astronomët kanë gjetur një tip të ri ylli variabël. Zbulimi u bazua në detektimin e ndryshimeve shumë të vogla të yjeve në grumbullim. Vëzhgimet zbuluan disa veçori të këtyre yjeve që nuk njiheshin më parë të cilat kundërshtojnë teoritë e sotme dhe ngrenë pyetje mbi origjinën e këtyre variacioneve.
Lexo më shumë
eso1325sq — Publikim shkencor

ALMA Zbulon një Fabrikë Kometash — Vëzhgimet e reja të një zone me pluhur rreth një ylli të ri shpjegojnë misterin e hershëm të formimit të planetëve

06 Qershor 2013: Astronomët duke përdorur Rrjetin e Madh Milimetrik/nënmilimetrik të Atacama-s (ALMA) kanë fotografuar një zonë rreth një ylli të ri, ku grimcat e pluhurit mund të rriten duke u bashkuar me njëra – tjetrën. Kjo është hera e parë ku një re e tillë pluhuri është vëzhguar dhe modeluar me kaq qartësi. Ajo zgjidh misterin e hershëm se si grimcat rriten në pjesëza më të mëdha derisa përfundimisht formojnë kometën, planetet dhe trupa të tjerë shkëmborë. Rezultatet janë publikuar në gazetën shkencore të 7 Qershorit 2013.
Lexo më shumë
eso1324sq — Publikim shkencor

Ekzoplaneti më i vogël i fotografuar deri tani?

03 Qershor 2013: Një skuadër astronomësh duke përdorur Teleskopin shumë të Madh të ESO-s kanë fotografuar një objekt të zbehtë që lëviz pranë një ylli të ndritshëm. Masa e tij llogaritet të jetë rreth 4 deri në 5 herë më të madhe nga ajo e Jupiterit, ai mund të jetë planeti më i vogël që është vëzhguar drejtpërdrejt jashtë Sistemit Diellor. Zbulimi është një kontribut i rëndësishëm për kuptimin tonë rreth formimit dhe evolimit të sistemeve planetare.
Lexo më shumë
eso1323sq — Publikim shkencor

Dietë me pak natrium shumë e rëndësishme për yjet e vjetër — Vëzhgimet e reja të VLT-së shkaktojnë ndryshime të mëdha tek teoritë yjore

29 Maj 2013: Astronomët presin që yjet si Dielli jonë do ta çlirojnë shumicën e atmosferës së tyre në hapsirë afër fundit të jetës së tyre. Por vëzhgimet e fundit të një grumbulli gjigand të bërë me Teleskopin Shumë të Madh të ESO-s kanë treguar – në kundërshtim me të gjithë parashikimet – që shumica e yjeve nuk arrijnë në atë fazë. Skuadra ndërkombëtare gjeti se sasia e natriumit tek yjet është një mjet matës perfekt për të gjetur se si do ta mbyllin jetën e tyre yjet.
Lexo më shumë
eso1322sq — Foto për publikim

Teleskopi Shumë i Madh i ESO-s feston 15 vite të Suksesshme

23 Maj 2013: Me këtë pamje të re të mrekullueshme të një vendi ku po formohen yje të rinj ESO feston 15 vjetorin e Teleskopit Shumë të Madh – instrumentit optik më të avancuar në botë. Kjo fotografi na tregon re të trasha pluhuri të vendosura përpara gazit që ndriçon me ngjyrë rozë që njihet nga astronomët si IC 2944. Këto re opake ngjajnë si pika boje që notojnë në një koktejl luleshtrydhesh, format e tyre të çuditshme janë skalitur nga rrezatimi i fuqishëm që vjen nga yjet e rinj e të ndritshëm që ndodhen pranë tyre.
Lexo më shumë
eso1321sq — Foto për publikim

Shiritat e zjarrta të fshehura të Orionit

15 Maj 2013: Kjo pamje e re e reve kozmike në konstelacionin e Orionit na tregon se ç’është një shirit zjarri në qiell. Ky ndriçim portokalli përfaqëson dritën e zbehtë që vjen nga thërrmijat e ftohta të pluhurit ndëryjor, në gjatësitë e valëve të dritës shumë më të gjata nga ato që mund të shohë syri i njeriut. Ato gjithashtu u vëzhguan nga “Atacama Pathfinder Experiment” (APEX) që është në përdorim të ESO-s në Kili.
Lexo më shumë
eso1320sq — Foto për publikim

Një zonë me formimin të çrregullt yjesh

02 Maj 2013: Teleskopi Danez 1.54 metra i lokalizuar në Observatorin La Silla të ESO-s në Kili ka marrë këtë fotografi mbresëlënëse të NGC 6559, një objekt që na shfaq kaosin që sundon kur yjet janë duke u formuar brenda reve ndëryjore.
Lexo më shumë
eso1319sq — Publikim shkencor

Përsëri–Ainshtajni ka të drejtë — Me pulsarin e veçantë testojmë teorinë e relativitetit të përgjithshëm me një metodë të re

25 Prill 2013: Astronomët kanë përdrur Teleskopin shumë të Madh të ESO-s, së bashku me radioteleskopët nëpër botë, për të gjetur dhe studiuar një çift yjesh të veçantë që përbëhen nga ylli më i madh neutronik i gjetur deri më sot dhe nga një yll xhuxh në orbitë rreth tij. Ky sistem binar i rrallë krijon mundësi për të testuar teorinë e gravitetit të Ainshtajnit – relativitetit të përgjithshëm – me metoda që nuk kanë qenë të mundura të kryhen deri më sot. Deri tani vëzhgimet e kryera përputhen saktësisht me parashikimet teorike të teorisë së përgjithshme të relativitetit si dhe janë të papajtueshme me teoritë e tjera alternative. Rezultatet do të dalin në revistën shkencore të datës 26 Prill 2013.
Lexo më shumë
eso1318sq — Publikim shkencor

ALMA lokalizon Galaktikat e Hershme me një shpejtësi rekord

17 Prill 2013: Një ekip astronomësh ka përdorur teleskopin e ri ALMA (Rrjetin e Madh Milimetrik/nënmilimetrik në Atacama) për të identifikuar vendndodhjen e më shumë se 100 galaktikave nga më yll-formueset në Universin e hershëm. ALMA është aq i fuqishëm, saqë në vetëm disa orë, bëri po aq vëzhgime të këtyre galaktikave sa janë bërë nga të gjithë teleskopët e ngjashëm në mbarë botën për më shumë se një dekadë.
Lexo më shumë
eso1317sq — Foto për publikim

Një flluskë jeshile — VLT-ja e ESO-s fotografon një mjegullnajë planetare

10 Prill 2013: Kjo pamje e re dhe intriguese nga Teleskopi Shumë i Madh i ESO-s tregon një mjegullnajë planetare jeshile ndriçuese, e cila quhet IC 1295. Kjo mjegullnajë rrethon një yll të zbehtë që po shuhet rreth 3300 vjet-dritë larg nesh në konstelacionin Scutum (Mburoja). Kjo është fotografia më e qartë e këtij objekti e marrë ndonjëherë.
Lexo më shumë
eso1316sq — Foto për publikim

Të rinj, të nxehtë dhe blu — Yjet në grumbullimin yjor të hapur NGC 2547

27 Mars 2013: Kjo pamje me stërkala yjesh blu, të ndritshme është grumbulli NGC 2547, një grup me yje të rinj, në konstelacionin e jugut Vela (Anija me vela). Ky imazh është marrë me Aparatin me Fushë të Gjerë (WFI) të montuar tek teleskopi 2.2 metra MPG/ESO në Observatorin La Silla të ESO-s në Kili.
Lexo më shumë
eso1315sq — Foto për publikim

Një bukuri spirale e zbukuruar nga një supernova në venitje

20 Mars 2013: Rreth 35 milion vjet-dritë nga Toka, në konstelacionin e Eridanit (lumit), ndodhet galaktika NGC 1637. Më parë në vitin 1999 pamja e kësaj galaktike u mbulua nga nga drita e një supernove shumë të ndritshme. Astronomët studiojnë pasojat e këtij shpërthimi me Teleskopin Shumë të Madh të ESO-s në Observatorin e Paranal-it në Kili, duke na dhënë një pamje mahnitëse të kësaj galaktike relativisht të afërt.
Lexo më shumë
eso1311sq — Publikim shkencor

Duke matur universin me më shumë saktësi se më parë — Rezultate të reja matin distancën e galaktikës më të afërt

06 Mars 2013: Afërsisht pas një dekade vrojtimesh të kujdesshme, një grup ndërkombëtar astronomësh ka matur distancën e galaktikës më të afërt, Renë e Madhe të Magelanit, me më shumë saktësi se më parë. Kjo lloj matjeje gjithashtu përmirëson njohuritë tona mbi shkallën e zgjerimit të Universit – Konstantes së Hubble-it – dhe është një hap vendimtar drejt kuptimit të natyrës misterioze të energjisë së errët, e cila përshpejton zgjerimin e Universit. Grupi ka përdorur teleskopët e ESO-s në Observatorin La Silla në Kili, si edhe të tjerë përreth globit. Këto rezultate shfaqen në numrin e gazetës “Nature” të datës 7 mars 2013.
Lexo më shumë
eso1310sq — Publikim shkencor

Lindja e një planeti gjigand? — Protoplaneti vëzhgohet brenda resë që rrethon yllin e tij.

28 Shkurt 2013: Astronomët duke përdorur Teleskopin Shumë të Madh të ESO-s kanë vëzhguar direkt një planet në formim akoma të mbështjellë me një disk të trashë gazi e pluhuri. Nëse konfirmohet, ky zbulim do të përmirësojë shumë njohjen tonë mbi formimin e planetëve dhe do t'u lejojë astronomëve të testojnë teoritë e sotme kundrejt objektit që vëzhgohet.
Lexo më shumë
eso1309sq — Foto për publikim

Duke fshirë pluhurin nga një karavidhe kozmike — Një foto në infra të kuqe nga VISTA e NGC 6357

20 Shkurt 2013: Një imazh i ri nga teleskopi VISTA i ESO-s na shfaq një peisazh resh ndriçuese të formuara nga gazet dhe fashat e pluhurit që rrethojnë yjet e rinj e të nxehtë. Imazhi në infra të kuqe na shfaq një pamje befasuese të një inkubatori yjor, të njohur si NGC 6357. Kjo foto u mor si një pjesë e një kërkimi të VISTA-s, e cila tani për tani po skanon Rrugën e Qumështit me qëllimin që të krijojë një hartë të strukturës së galaktikës sonë dhe të shpjegojë se si u formua ajo.
Lexo më shumë
eso8714sq — Publikim i Organizatës

Kontroll ndërkontinental në distancë: Duke vëzhguar me Teleskopët në La Silla nga Garching

29 Shtator 1987: ESO lajmëron për lidhjen me anën e sistemit të parë të kontrollit në distancë me teleskopët me bazë në tokë në kontinentin tjetër.
Lexo më shumë
eso8604sq — Publikim shkencor

Gjendja e kometës Halley; Vëzhgimet në La Silla

18 Shkurt 1986: Që prej ditës së rigjetjes së suksesshme të kometës Halley më 15 Shkurt, në Observatorin Evropian të Jugut (ESO), vëzhgimet në Observatorin La Silla kanë vazhduar çdo mëngjes. Pozicione të sakta të kometës vazhdojnë të maten dhe të transmetohen brenda pak orëve nëpër qendrat e anijeve kozmike në Darmstadt, Moscow, Tokyo dhe Pasadena. Ky është një kontribut i rëndësishëm saktësimin e rrugës që duhet të ndjekin pesë anijet kozmike, përfshirë GIOTTO-n e Agjensisë Evropiane të Hapsirës “European Space Agency” e cila i është drejtuar kometës Halley për t’u takuar me të në fillim të Marsit.
Lexo më shumë
eso8603sq — Publikim shkencor

Kometa Halley rigjendet tek ESO

16 Shkurt 1986:
Lexo më shumë
eso8501sq — Publikim shkencor

Kometa Halley zhvillon një bisht

17 Dhjetor 1985:
Lexo më shumë
  1  
duke e shfaqur 1 tek 19 të 19


Përdorimi i Fotografive dhe videove të ESO-s

Shih dhe